الأديب ولد أحمد دي يكتب عن أرتفاع اسعار المحروقات

هلا ريم الإخباري : كتب الأديب الكبير والناقد محمد الأمين أحمدديه :

مواطن عطشان وجايع == وابلا شِ – مسكين- وُمخذول

مايحمل وعرْ البضايع == والتخزيّه بيــــــه ابلا مولْ

كطتْ “وركتنَ ” فلِّ فاتْ == امشاتْ اتعدّلْ فحوصاتْ

نتايجْه عكبتْ ماجات== كيفلِّ مدغوه لعجولْ

واسكتنَ، واعطينَ نوباتْ == الحالْ الّ ماهُ مسبول

واسكتنَ، بينَ مُراعاتْ == لصلاحاتْ الفيهم موحولْ

واخلكْ صُورْ امن التعييناتْ == عاكبْ ذاك إظحّكْ لغجولْ

واسكتنَ، ماشفنَ تلفاتْ == اعلَ حدْ أمينْ وُمسؤولْ

واعلَ “رَكّلْ” لخلاكْ احماتْ == واسكتنَ، وُأوعارْ اعلَ طولْ

اغدانَ واعشانَ بالذاتْ ==- وأوعرْ عادُو منْ روحْ الغولْ-

واسكتنَ- مَسْكتنَ- مراتْ == اعلَ مولْ أنصافْ الحُلولْ

واعكبْ شورْ أسبَعْ سماوات == امش عنّ ” كزوالْ” إجولْ

واسكتنَ، يغير التسكاتْ == اعل لخوه ماه معقولْ!!